InicioLugo e contornaLugoPrevén que as obras do primeiro centro integral de saúde de Galicia...

Prevén que as obras do primeiro centro integral de saúde de Galicia conclúan o próximo ano

O modelo estenderase a outras localidades galegas, como Lalín, Vigo e Ourense.

PUBLICADA O

- Advertisement -

O conselleiro de Sanidade, Julio García Comesaña, e a titular de Infraestruturas, Ethel Vázquez, visitaron este luns as obras do primeiro centro integral de saúde que a Xunta de Galicia programa sobre as ruínas do vello hospital de Lugo, no barrio da Residencia, e que concluirá o próximo ano.

Segundo informaron, trátase do “primeiro centro integral de saúde” de Galicia, un modelo que se estenderá a outras localidades galegas, como Lalín, Vigo e tamén Ourense.

A conselleira de Infraestruturas destacou que “as obras están a pleno rendemento”. “É o primeiro centro integral de Galicia para que os cidadáns teñan un equipamento de vangarda, de calidade, aquí en Lugo”, destacou.

Os traballos “están ao 30 por cento do grao de execución, demolicións feitas, a cuberta tamén está realizada”, detallou. “E estamos a actuar agora na tabiquería, no pladour, e resta o máis complicado que é a instalación e todo o que é a sala do 061 e a previsión é que conclúan as obras en 2022”, abundou a conselleira de Infraestruturas.

Vázquez recoñeceu que “a pandemia condicionou a evolución destas obras, o seu rendemento e a disposición de material, e por tanto en 2022 Lugo contará cun centro integral de Saúde de vangarda”.

O investimento supera os 12 millóns de euros para un centro que funcionará como unha PAC para toda a cidade de Lugo, con 30 consultas, ademais de hospital de día psiquiátrico, e contará, entre outros servizos, cos de ginecología, de fisioterapia e a base do 061.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...