A Consellería de Cultura e Turismo aclara que acometerá a limpeza da vexetación da Muralla unha vez que remate o período de nidificación das especies que habitan o monumento, igual que se adoita facer todos os anos.
Responde así á petición efectuada por parte do Concello de Lugo, que lle lembraba á Xunta a súa responsabilidade en materia de conservación do monumento.
Ante a demanda do goberno local, a Xunta aclara que aínda estamos no período de cría dos cirrios e indica que os labores de retirada da vexetación poderían danar os niños. Polo tanto, din, haberá que esperar ata fins do verán ou principios de outono.
