InicioSociedadeAs Termas reabre as súas portas este luns 25 de maio con...

As Termas reabre as súas portas este luns 25 de maio con limitacións

Os locais non poderán ter máis do 40% da súa ocupación, mentres que nas zonas comúns o aforo está restrinxido ao 30%.

PUBLICADA O

- Advertisement -

O centro comercial As Termas, en Lugo, abre hoxe, 25 de maio, as súas portas tras permanecer pechado case totalmente dende o mes de marzo por mor do estado de alarma. Ata o de agora só puideron atender ao público o hipermercado Eroski, a gasolinera e a tenda de animais Kiwoko, todos eles establecementos con bens de primeira necesidade. Agora, coa entrada da fase 2 da desescalada, as grandes superficies comerciais tamén teñen permitida a súa apertura cunha serie de medidas de prevención.

Segundo a normativa, a ocupación dos locais estará limitada ao 40% no seu interior, mentres que as zonas comúns só poderán albergar un 30%. Poñerase en marcha un protocolo de desinfección e limpeza periódica das instalacións, ademais de que se dispoñerá de dispensadores de xel para os usuarios en todo o espazo. Do mesmo xeito, instalaranse lámpadas de esterilización ultravioleta para a hixienización de superficies de contacto, como os pasamáns das escaleiras mecánicas ou o ascensor.

O horario de apertura do centro comercial será de 10:00 a 22:00, como vén sendo habitual.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...