Un coche impactou contra un tractor que levaba enganchada unha cisterna en Carballido

O condutor do turismo tivo que ser evacuado ao hospital.

Estrada LU-P-2922 entre Carballido e Nadela | Google Maps

Unha persoa resultou ferida tras un aparatoso accidente entre un coche e un tractor esta mañá no termo municipal de Lugo. Ocorreu ás 13:10 horas, no quilómetro 0’900 da estrada provincial LU-P-2922 (Carballido-Nadela).

Por causas que aínda se descoñecen, o turismo chocou frontolateralmente contra un tractor que levaba unha cisterna enganchada.  Segundo confirmou o 112, o condutor do coche non quedou atrapado a causa do impacto.

Ata o lugar desprazouse un equipo do 061 que, tras prestarlle os primeiros auxilios, evacuou o ferido ao hospital.

DEIXAR UN COMENTARIO

Please enter your comment!
Please enter your name here