Unha muller de 101 anos recibiu esta mesma mañá a alta no Hospital Universitario Lucus Augusti (HULA) tras superar o coronavirus, segundo informan dende o Sergas. Trátase da persoa de máis idade recuperada desta enfermidade na provincia de Lugo. Na súa saída da habitación, soaron aplausos e ‘vivas’ emocionados do persoal do hospital, mentres de fondo soaba a canción ‘Resistiré’, todo un himno durante esta crise sanitaria. Velaí o vídeo do momento, facilitado polo Sergas: