A Orquestra da Cámara Luguesa estréase esta fin de semana na cidade co seu primeiro concerto. Será este domingo 16, ás 19:00 horas, nas instalacións de Caldiae Factoría Cultural (praza Viana do Castelo, 4).

No evento, para o que se poden adquirir entradas nas billeteiras de Codex Cinema, soarán pezas como Rapsodia Galega (Xoán Montes), Divertimento en RE (W.A.Mozart), Suite a la Antigua (Andrés Gaos) e Danzas rumanas (Bela Bartok).

Será a mellor presentación da Orquestra da Cámara Luguesa, que xurdiu da “necesidade de crear unha oferta musical e didáctica na provincia de Lugo, ante a escaseza de orquestras nas que os estudantes de música poidan pór en práctica os coñecementos adquiridos”. Segundo explican, un dos seus obxectivos é ‘enganchar’ a xente á música culta.