InicioSociedadeA defensa de Pilar de Lara denuncia "outra irregularidade máis" na comunicación...

A defensa de Pilar de Lara denuncia “outra irregularidade máis” na comunicación do seu cesamento

A pesar de que a xuíza xa asinou o seu cesamento, aínda están pendentes de que se resolva o recurso de reposición do Tribunal Supremo. O avogado, Agustín Azparren, ve "difícil que prospere", pero aférrase a unha nova sentenza europea que deixa unha vía aberta.

PUBLICADA O

- Advertisement -

O avogado da xuíza Pilar de Lara denunciou “unha irregularidade máis” na comunicación da aplicación da sanción interposta á xuíza por parte do Consello Xeral do Poder Xudicial (CXPX). Asegura que no documento no que se lle require que cese, “non vén ningunha orde de cesamento“.

A xa extitular do Xulgado de Instrución Número 1 de Lugo, Pilar de Lara, asinou onte o seu cesamento, que a aparta da cidade. Con todo, o seu avogado, Agustín Azparren, sinala que “unha vez comprobado o documento, non hai ningunha orde de cesamento”. “Simplemente o que se dí é que se declara a firmeza da sanción” (sete meses e un día sen emprego e soldo, algo que implica perda de destino).

E continúa: “É estraño, porque o auto de medidas cautelares non é firme e di que se iniciará a execución do acordo. Con esa dilixencia foi coa que se nos dixo que tiña que cesar”, subliñou Azparren. O avogado incidiu en que “non hai ningunha orde, o cesamento non saíu publicado no BOE”, malia requirilo así o regulamento da carreira xudicial. Por todo iso, Azparren asegura que están ante “outra irregularidade máis”.

Agora a xuíza permanecerá sete meses e un día sen exercer. Un mes antes de que se cumpra ese período de sanción —é dicir, en xullo— Pilar de Lara “tería que concursar” para novo destino. O máis seguro é que lle sexa adxudicada unha praza en Cataluña e Canarias, “as que quedan desertas” normalmente. “Terá que acometer un desprazamento de polo menos mil quilómetros da súa casa”, lamentou Azparren.

RECURSO DE REPOSICIÓN AÍNDA SEN RESOLVER

A pesar da comunicación do cesamento, Pilar de Lara aínda está pendente do recurso de reposición ante o Tribunal Supremo para que non se execute a sanción en tanto non resolva o alto tribunal.  “Pode darse que o Tribunal Supremo resolva sobre o fondo do recurso (ao castigo imposto polo Consello Xeral do Poder Xudicial). Se o rebaixase a menos de seis meses, [Pilar de Lara] non perdería o destino”, recalcou.

NOVA SENTENZA

Este letrado admite que é “difícil” que o recurso prospere pero, aínda así, avanzou que “hai novidades importantes que se poden ter en conta”. E é que, segundo afirmou,”acaba de saír unha sentenza do Tribunal de Xustiza da Unión Europea da semana pasada, que esixe que para que se cese a un xuíz necesítanse máis garantías, garantías maiores das que prevé o ordenamento administrativo, cousa que neste caso non existe”.  “Este argumento é o principal para o recurso de reposición, que se cadra cambia as circunstancias que é difícil”, concluíu o avogado da maxistrada.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...