InicioMovementos sociaisLugo ofrécese a acoller aos migrantes do Aquarius

Lugo ofrécese a acoller aos migrantes do Aquarius

O Concello colabora coas ONG Accem e Cruz Vermella para pór a disposición dos migrantes rescatados os recursos e instalacións municipais

PUBLICADA O

- Advertisement -

O Concello de Lugo enviou unha comunicación á federación de municipios de Galicia para ofrecer a acollida dos migrantes rescatados polo buque Aquarius, da organización humanitaria SOS Mediterranée. A decisión de dispoñer as instalacións municipais foi tomada logo de conversas coas ONG Accem e Cruz Vermella, como anunciou este mércores o voceiro municipal, Miguel Fernández.

A Consellería de Benestar Social, Igualdade e Inclusión, dirixida por Ana González Abelleira, porá a disposición os recursos e instalacións públicos para a acollida dos migrantes do Aquarius. A nave, que non obtivo permiso para desembarcar en Italia a 630 persoas rescatadas, navega dende o martes cara a Valencia. A meirande parte dos tripulantes foron transferidos a dúas embarcacións da marina italiana, pois resultaba imposible acadar o porto español nas condicións de habitabilidade previas. Así o confirmou SOS Mediterranée, que opera o Aquarius.

Prevista a chegada para o sábado, o Concello de Lugo solicitou a Accem e Cruz Vermella as instruccións oportunas para colaborar na atención dos migrantes. Estas organizacións son as que por protocolo ocuparíanse da acollida nos pisos de emerxencia de que dispón o municipio, amais do albergue municipal e a rede de prestacións e axudas sociais coas que conta. Segundo Fernández, a vontade tanto do goberno central e das cidades implicadas fala dun “cambio de paradigma” sobre a axuda humanitaria.

ÚLTIMAS

Estabilizado un incendio forestal en Guitiriz que afecta a nove hectáreas

Un incendio forestal orixinado este domingo no municipio lucense de Guitiriz quedou estabilizado ás...

Polémica por 300 hectáreas de monte veciñal no paraíso hippie de Negueira de Muñiz

É posible atopar restos de neve nos costados da sinuosa estrada que descende desde...

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...