Hai menos dun mes que o guía Guido Álvarez Parga lanzou o seu primeiro proxecto turístico independente, e de momento estase a converter nunha verdadeira revolución turística en Lugo.
Este sábado, ás 11h00, comezou xunto coa Asociación na defensa do Patrimonio Cultural Galego, que preside Carlos Coto, uns novidosos paseos guiados que levan por título “O Lugo Menos Coñecido”.
Neste primeiro paseo as 60 prazas ofertadas (a un coste de 6 € por persoa) cubríronse en menos de 24 horas dende o seu lanzamento o pasado 28 de agosto. Os dous seguintes paseos, o 28 de setembro e o 5 de outubro, van camiño de repetir na brevidade o “sold out”.
É demasiado emocionante. O primeiro paseo organizado como autónomo esgotou as súas 60 prazas en 24 horas. Inmensamente agradecido e emocionado! Moitas grazas a @apatrigal por apoiar este primeiro dos paseos guiados #OLugoMenosCoñecido… traballando xa no segundo capítulo! ❤️ pic.twitter.com/4yNwc4u9SZ
— Guido Álvarez Parga (@guidoalvarezp) August 29, 2019
O numeroso grupo chamou a atención nas rúas de Lugo ata o punto de que algunhas persoas que sabían da iniciativa animáronse a fotografiar ou gravar á que o xornalista Chema Losada bautizou como “serpe multicor”.
Pillamos á serpe multicor de @guidoalvarezp visitando o Lugo máis descoñecido, xusto nun lugar esquencido para moitísimos lugueses, a Praza San Lourenzo.@apatrigal pic.twitter.com/P3Y9ia2ccb
— Chema Núñez Losada (@ChemaNLosada) September 14, 2019
As Costas do Parque Rosalía, o barrio do Carme, A Tinería, Rúa Nova, Casas Baratas, Abella, A Milagrosa ou o Parque de Paradai foron algúns dos lugares visitados por este gran grupo no que as procedencias foron variadas: dende varios grupos das Rías Baixas ata venezolanos, arxentinos, bolivianos, uruguaios ou colombianos.
Outro dos grandes triunfos da iniciativa, segundo a valoracións dalgúns participantes, foi o feito de contar Guido con varios colaboradores que dinamizaron as explicacións en varios puntos do paseo: José Pérez Vázquez (ambientólogo de Sogos Consulting) ou Santi Iglesias (secretario da Confraría do Carme).
#olugomenoscoñecido Un honor que @guidoalvarezp haya confiado en mi para mostrar unas pequeñas pinceladas de Lugo desde la perspectiva medioambiental… Lugo necesita más Guidos! pic.twitter.com/Yj7jmJiURC
— Pepe Mg (@pepe7mgarcia5) September 14, 2019
Van en camiño os dous seguintes capítulos, con moi poucas prazas dispoñibles, adicados ó solpor lucense (o 28 de outubro) e ó patrón da cidade no seu día (5 de outubro, San Froilán). Tamén se anunciou (a falta de concretar a data) un vindeiro capítulo adicado á arte urbana na cidade.
Ante o enorme éxito do primeiro paseo guiado polo Lugo menos coñecido (60 prazas esgotadas en 24 horas) lanzamos xa (co apoio de @apatrigal) o segundo capítulo (Solpor) para o sábado 28 de setembro… contamos contigo! #OLugoMenosCoñecido #LugoPatrimonioMundial pic.twitter.com/nO52Q2QdN0
— Guido Álvarez Parga (@guidoalvarezp) September 2, 2019
Agrdade á nova aventura de Guido Guía e #OLugoMenosCoñecido?
