InicioLugo e contornaLugoLugo, capital literaria da gastronomía galega

Lugo, capital literaria da gastronomía galega

PUBLICADA O

- Advertisement -

A Deputación de Lugo foi o escenario elixido para presentar o ‘Dicionario da comida galega, do abadexo á zorza‘, de Xabier Rodríguez Baixeiras, que recolle unha ampla listaxe de produtos gastronómicos galegos, cunha reseña sobre a súa importancia histórica para as distintas formas de vida en Galicia, tanto na costa como no interior.

No acto de presentación desta obra participou o deputado provincial de Turismo, Eduardo Vidal Baamonde; o director de Aira Editorial, César Lorenzo Gil; o director de Engaiolarte Edicións, Xan Carballa, e o propio autor.

Vidal Baamonde destacou que este libro pode ser un “importante elemento de promoción da gastronomía lucense”, dado que inclúe entre as súas páxinas apuntas a “alimentos típicos da provincia de Lugo”.

Presentación na Deputación de Lugo de Dicionario da comida galega, do abadexo á zorza, de Xabier Rodríguez Baixeiras / Deputación de Lugo

Lembrou que “os produtos da provincia son un valor en alza que contribúe a impulsar” o desenvolvemento económico e a atraer “cada vez a máis visitantes”. Precisou, nese sentido, que o dicionario dedica varios espazos aos produtos lucenses que teñen selo de calidade ou que pertencen a unha Indicación Xeográfica Protexida ou unha Denominación de Orixe.

Figuran así produtos moi recoñecidos como a Pescada do Petisco, de Celeiro, ou o Bonito de Burela, na costa de Lugo; mentres que no interior destaca o Butelo da Fonsagrada, a Androlla de Navia ou o Pemento de Mougán. Tamén fai referencia ás catro denominacións de orixe que teñen os queixos lucenses, aos distintos tipos de pan, aos viños da Ribeira Sacra ou aos licores e augardentes de Portomarín

ÚLTIMAS

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...