InicioSociedadeA neve amaina mais os efectos da borrasca persisten nas estradas

A neve amaina mais os efectos da borrasca persisten nas estradas

A borrasca diminúe en intensidade cara o domingo, aínda que a Deputación recomenda circular con precaución polas estradas do leste da provincia e portar cadeas

PUBLICADA O

- Advertisement -

A Axencia Estatal de Meteoroloxía levantou as alertas por neve, mentres que Meteogalicia mantén o nivel amarelo pola acumulacións de ata cinco centímetros, situando a cota nos 700 metros. Previsión máis pesimista a que manexa a Deputación para este sábado, alertando de neve por enriba dos 300 metros, polo que recomenda portar cadeas e reducir os desprazamentos polas estradas na medida do posible.

As acumulacións de neve e xeo notáronse durante esta madrugada en 22 concellos da provincia de Lugo. A situación meteorolóxica adversa fixo necesaria a intervención do dispositivo invernal sobre todo na alta Montaña. Concretamente, as localidades máis afectadas son os de Cervantes, Pedrafita do Cebreiro e Folgoso do Courel.

Asemade, persisten as dificultades nas estradas  da Fonsagrada, Navia de Suarna, Negueira de Muñiz, Ribeira Piquín, Quiroga, Ribas de Sil, Triacastela, Becerreá, As Nogais, O Incio, Samos e Baleira. Ademais, nestes intres cómpre transitar con extrema precaución en Taboada, Chantada, Carballedo, Baralla, O Corgo, Ourol e Muras.

Así as cousas, varias estradas que permanecían pechadas por inundacións foron reabertas. É o caso das vías asolagadas nos concellos de Cospeito, A Pobra do Brollón, Vilalba e Xermade. Porén, fica pechada ao tráfico a estrada de Baralla, LU-P-0502 por desprendementos, e a vía de Begonte, LU-P-0802, aínda inundada pero permitindo circularse por un carril.

Atención ás temperaturas mínimas

Na Fonsagrada, a temperatura mínima rexistrada durante a madrugada foi de -0,8ºC, e en Folgoso do Courel, -1,4. Porén, entre as estacións a máis de 900 metros, Cervantes chegou a -4,0 e O Cebreiro marcou -4,2 graos centígrados. Estas cifras permanecerán estables de cara o domingo na Montaña.

Non será así no centro da provincia e a Chaira, onde as mínimas caerán incluso catro graos, situándose en dous graos negativos, incluída a capital lucense. A xornada traerá ceos parcialmente despexados, e na que as temperaturas irán remontando. 

ÚLTIMAS

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...

Detida unha muller por violencia doméstica ao agredir ao seu home e a outra muller

Unha muller foi detida en Lugo acusada dun delito no ámbito familiar e de lesións por...

Detidos tres veciños de Vilalba acusados de vender pezas de coches por Internet e non remitilas aos seus compradores

A Garda Civil detivo a tres veciños do municipio lucense de Vilalba acusados de vender pezas...