A Tenencia de Alcaldía do Concello de Lugo está a estudar posibles accións legais tras as denuncias de falta de pagamentos por parte de empregados da empresa concesionaria das actividades extraescolares nos centros educativos públicos do municipio.

Os traballadores afectados denunciaron a falta de pagamento da nómina do mes de novembro e que a de outubro se abonou nos primeiros días de decembro. Ademais, sinalaron que “aínda” non recibiron nin os contratos nin as nóminas e que estes últimos meses “non figuran” na súa vida laboral.

Dadas as circunstancias, a Tenencia de Alcaldía advertiu que, de confirmarse as denuncias, “valorará a posibilidade” de impor sancións ou mesmo rescindir o contrato coa empresa concesionaria.

Os afectados puxéronse en contacto coa dirección da empresa, pero agora “reclaman a intervención do Concello para solucionar o conflito”. Pola súa banda, o Concello de Lugo confirmou que trasladará toda a documentación existente á Inspección Laboral para que se “investiguen as circunstancias laborais do persoal afectado e tómense medidas”.