InicioSociedadeTSXG ratifica a condena a dous homes por traficar con drogas valoradas...

TSXG ratifica a condena a dous homes por traficar con drogas valoradas en máis de 18.000 euros

O Tribunal Superior de Xustiza de Galicia avala a sentenza da Audiencia de Lugo e descarta que as drogas fosen para consumo propio.

PUBLICADA O

- Advertisement -

A Sala do Civil e Penal do Tribunal Superior de Xustiza de Galicia (TSXG) ratificou a condena da Audiencia Provincial de Lugo a dous homes por portar diferentes sustancias estupefacientes na capital lucense, cun valor superior a 18.000 euros.

Os feitos sucederon o 8 de maio de 2024, sobre as 18.40 horas, cando ambos circulaban nun vehículo polo polígono de Ou Ceao e foron interceptados polas forzas de seguridade. No rexistro, os axentes atoparon un total de 79,83 gramos de cocaína, valorada en 18.382 euros, ademais de dous envoltorios de resina de cánnabis que sumaban 3,972 gramos. Foron condenados como autores dun delito contra a saúde pública na modalidade de sustancias que causan grave dano á saúde, coa atenuante de drogadicción, ás penas de tres anos de prisión e unha multa de 30.000 euros.

No recurso presentado, a defensa alegaba que a droga non estaba destinada á distribución senón ao consumo propio. Con todo, os maxistrados do TSXG descartaron esta tese, considerando que as cantidades e o valor dos estupefacientes non se axustan ao autoconsumo. Ademais, rexeitaron o argumento de que na cidade de Lugo non existe mercado para mercar estas sustancias e que as levaran en provisión, cualificando o alegato como carente de “a máis mínima e seria consistencia”. A sentenza confirma, así, a gravidade dos feitos.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...