Unha colisión frontal entre dous vehículos deixou varias persoas feridas leves en Láncara durante a tarde deste sábado. Segundo informa o 112 Galicia, o aviso recibiuse ao redor das 19.30 horas deste sábado a través do sistema ‘eCall’ dun dos turismos implicados.
O accidente tivo lugar na estrada LU-620, na parroquia de Armeá, ata alí desprazáronse Urxencias Sanitarias de Galicia, que comprobaron que todos os feridos estaban liberados, polo que non foron necesarios medios de excarceración. Cabe destacar que tamén se avisou a Garda Civil de Tráfico, xa que un dos vehículos implicados atopábase no medio da vía e obstaculizaba a circulación.
