Catro persoas foron detidas na provincia de Lugo como autoras dun delito de falsificación de documento público, en concreto permisos de asilo. Segundo informa a Policía Nacional, un empresario acudiu ás dependencias policiais para denunciar que contratara a un traballador cuxos datos do alta laboral non eran verdadeiros, como lle fixeron saber desde o Instituto Nacional da Seguridade Social.
Unha vez coñecidos estes feitos por parte da Brigada de Estranxeiría de Lugo, púxose en marcha a investigación que levou ás correspondentes detencións. Ademais deste traballador contratado polo empresario hostaleiro, detívose a outras dúas persoas que achegaran un documento de asilo que daba dereito a traballar durante seis meses e que non lles correspondía.
Estes documentos serían falsificados por outra persoa, que os realizaba e vendía por “cantidades elevadas”. A detención levou a cabo por parte da Brigada Provincial de Estranxeiría.
