O tenente de alcaldesa do Concello de Lugo, Rubén Arroxo, anunciou que Fuxan os Ventos dará un concerto en 2025 no auditorio da capital lucense, ao que dá nome o grupo, como homenaxe a “un dos grupos musicais galegos máis importantes nos últimos anos” e a celebración do seu 50 aniversario, celebrado en 2022.
Así mesmo, Arroxo afirmou que para o Concello de Lugo é “unha honra” contar cun auditorio co seu nome, “despois de acoller tamén o seu nacemento no ano 1972”. Ademais, o edil nacionalista avanzou que o auditorio contará cunha importante programación, con agrupacións locais que se coordinarán con actuacións de circuítos estatais e internacionais.
