Unha muller tivo que ser trasladada en ambulancia ata o hospital na tarde do mércores tras perder o coñecemento mentres facía unha ruta en Lugo. Segundo informa o 112 Galicia, sobre as 20.30 horas recibiu unha chamada dun particular indicando que unha das participantes na actividade, celebrada na parroquia de Santa María de Alta, acababa de perder o coñecemento.
Durante a chamada, advertiu que a ambulancia non podía chegar ata o lugar. Así, o 112 solicitou a acción dos bombeiros de Lugo, da Policía Nacional e da Local, ademais de Urxencias Sanitarias-061. Unha vez alí, os bombeiros encargáronse de levar á persoa afectada ata a ambulancia, na que foi evacuada ao centro hospitalario de referencia.
