A Policía Local de Lugo denunciou a unha persoa que foi sorprendida depositando lixo na vía pública sen contactar cos servizos de limpeza, infrinxindo a Lei de Residuos de Galicia.
Segundo informaron fontes policiais, os feitos ocorreron este martes, cando unha patrulla da Unidade Territorial da Policía de Barrio sorprendeu a unha persoa na rúa dos Gardas depositando na beirarúa cousas vellas e varias bolsas de lixo, sen contactar cos servizos de limpeza para a súa recollida.
Por iso, os axentes levantaron acta de denuncia e propuxeron a esta persoa para sanción de ata 900 euros. Así mesmo, deron aviso aos servizos de ECOLUGO para a recollida e limpeza da beirarrúa.
A Policía Local tamén informou doutra intervención, na Avenida de Magoi, onde foi interceptado un vehículo con matrícula italiana. Os policías comprobaron que a súa propietaria non o matriculou en España no prazo obrigatorio, a pesar de ter residencia en Lugo desde principios de 2024, polo que o coche foi inmobilizado e as placas de matrícula intervidas.
