Axentes da Policía Local detiveron en Lugo a dúas mulleres, unha parella de 28 anos, por un delito de violencia doméstica tras denunciar unha agresión mutua.

Os policías, informa o parte de incidencias das últimas horas, trasladáronse a un edificio da zona norte da cidade por unha pelexa na que unha das partes non permitía saír á outra da vivenda, reténdoa á forza.

Á súa chegada, unha moza de 28 anos explicou que fora agredida pola súa parella, da mesma idade. Tamén indicou que tiña mensaxes ameazantes no seu móbil e que foi agredida noutras ocasións.

A outra muller manifestoulles que eran parella de feito e que tiveran unha discusión, chegando “ambas as ás mans”. Os axentes observaron que tiña unha marca de dentes nun brazo e un arañazo na cara. Ademais, recoñeceu que era certo que agarrou á súa parella polo pescozo para poder defenderse. Ambas foron detidas por un presunto delito de violencia doméstica.

Noutra orde de cousas, a Policía realizou controis nas últimas horas a 1.128 coches, con 47 denuncias por exceso de velocidade.