InicioSociedadeAbren expedientes para devolver bolsas ao estudo a cinco estudantes de Lugo

Abren expedientes para devolver bolsas ao estudo a cinco estudantes de Lugo

O último expediente, por unha axuda de 154 euros, ábrese por non destinar a totalidade da axuda á finalidade para a que se lle concedeu

PUBLICADA O

- Advertisement -

A Consellería de Educación, Ciencia, Universidade e Formación Profesional abriu expedientes de devolución de axudas ao estudo a cinco estudantes de Lugo.

Tal e como recolle o DOG, dáse inicio ao procedemento de reintegro das bolsas e porase a disposición dos interesados os expedientes para que, no prazo de 10 días contados a partir da publicación desta resolución no Boletín Oficial do Estado (BOE), poidan presentar os documentos e xustificacións que consideren pertinentes ante a Sección de Bolsas da Xefatura Territorial da Consellería de Educación, Ciencia, Universidades e Formación Profesional de Lugo.

Transcorrido este prazo, a Dirección Xeral de Formación e Orientación Universitaria do Ministerio de Educación e Formación Profesional, de ser o caso, ditará a resolución que determine tanto a procedencia do reintegro como a liquidación dos xuros de demora correspondentes desde o momento do pago da bolsa.

Con todo, no caso de que o interesado estea conforme coa obrigación de devolver a bolsa, poderá facelo en calquera banco ou caixa de aforros facendo uso dos documentos habilitados para o efecto, co que se dará por concluído o expediente.

Do cinco recursos abertos, catro son por non destinar a axuda recibida no curso 2022/2023 á finalidade para a que se concedeu, ao non ter xustificado o abono dos servizos de reeducación pedagóxica e reeducación da linguaxe (dúas bolsas de 1.826 euros e outras dúas de 913 euros).

O último expediente, por unha axuda de 154 euros, ábrese por non destinar a totalidade da axuda á finalidade para a que se lle concedeu.

ÚLTIMAS

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Detido un veciño de Mondoñedo tras romper peches de campos de pasto de gando vacún

A Garda Civil detivo a un veciño da localidade lucense de Mondoñedo tras romper...

Cáritas advirte da existencia dunha “feminización da pobreza” na cidade durante o 2023

Cáritas Diocesana de Lugo alertou este xoves, durante o acto de presentación dos datos recolleitos...

Detidos tras roubar aceite e licores nun local de Lugo e enfrontarse aos empregados

A Policía Local de Lugo detivo a dous mozos, de 25 e 28 anos de...