InicioLugo e contornaLugoA Audiencia de Lugo condena a un home acusado de vender cocaína

A Audiencia de Lugo condena a un home acusado de vender cocaína

Culpable dun delito contra a saúde pública de sustancias que causan grave dano á saúde.

PUBLICADA O

- Advertisement -

A sección segunda da Audiencia Provincial de Lugo condenou a un ano e seis meses de cárcere e ao pago dunha multa de 276 euros a un home acusado de vender cocaína en Lugo.

Segundo informou o TSXG, o tribunal considerouno culpable dun delito contra a saúde pública de sustancias que causan grave dano á saúde.

A sala considerou probado que, “co ánimo de proceder á venda de sustancias estupefacientes a consumidores”, acudiu o 22 de abril de 2022 a unha rúa de Lugo onde se atopaba un consumidor.

O comprador baixouse do seu vehículo e accedeu ao coche do condenado onde lle vendeu cocaína cunha pureza do 89,4 % e un peso de 0,198 gramos. O valor da sustancia no mercado ilícito ascende a 97,88 euros.

Nese momento, os axentes da Policía Nacional identificaron a ambos os suxeitos e interviñeron ao comprador a cocaína. Ademais, os axentes inspeccionaron o vehículo do condenado e comprobaron que no cadro de mandos tiña un tubo de pegamento tipo varra cunha bolsa de plástico interior, a modo de compartimento.

Ademais, na alfombra do vehículo atoparon dous envoltorios de plástico termosellado que contiña cocaína cunha pureza do 87% e un peso de 0,3373 gramos e o seu valor no mercado ilícito ascende a 179,65 euros.

ÚLTIMAS

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Detido un veciño de Mondoñedo tras romper peches de campos de pasto de gando vacún

A Garda Civil detivo a un veciño da localidade lucense de Mondoñedo tras romper...

Cáritas advirte da existencia dunha “feminización da pobreza” na cidade durante o 2023

Cáritas Diocesana de Lugo alertou este xoves, durante o acto de presentación dos datos recolleitos...

Detidos tras roubar aceite e licores nun local de Lugo e enfrontarse aos empregados

A Policía Local de Lugo detivo a dous mozos, de 25 e 28 anos de...