A Garda Civil investiga a dous veciños das localidades lucenses de Castroverde e do Corgo como supostos autores dun delito de malos tratos animais por abandono dun can.
Todo iso tras atopar a un cánido nos terreos do aeródromo de Rozas-Castro de Rei, a pesar de que fora dado de baixa por falecemento. No operativo tamén se investiga a morte doutros catro cans, propiedade dun dos investigados, que foron declarados como falecidos por morte natural a pesar de ter idades comprendidas entre un ano e medio e catro anos. Todos supostamente perderan a vida no período dun mes.
Por iso, tamén se lle imputa un delito de falsidade documental nos trámites de baixa dos cánidos.
