InicioSociedadeEste mércores volve XuvenLugo, o espazo familiar do Nadal

Este mércores volve XuvenLugo, o espazo familiar do Nadal

A programación lúdica de Lugo, deseñada para fomentar a conciliación familiar e a actividade dos máis pequenos, agarda 20.000 visitantes no Pazo de Feiras e Congresos

PUBLICADA O

- Advertisement -

Regresa o que xa é un evento clásico do Nadal na cidade. Abre este mércores XuvenLugo, a programación lúdica que organizan Concello e Deputación no Pazo de Feiras e Congresos, co patrocinio de Caixabank. Esta edición abranguerá do 5 de decembro ao 7 de xaneiro, coa fin de mellorar a oferta de actividades para os cativos durante o período estival, beneficiando así a conciliación familiar e fomentando hábitos saudábeis.

O deputado de Relacións Institucionais, Álvaro Santos, recalcou o carácter educativo e lúdico de XuvenLugo, “un espazo no que pode convivir e participar toda a familia”. En consonancia coa positiva tendencia anual, con máis de 15.000 visitantes a pasada edición, neste Nadal agárdase a presenza de 20.000 persoas, “o que supón que xa é unha oferta imprescindible” durante as festas en Lugo.

Pola súa banda, a concelleira de Cultura, Carmen Basadre, valorou o incremento no número de actividades, “que non deixou de medrar ano tras ano e de incluír novidades, como por exemplo nesta edición, actividades para nenos e nenas de 0 a 3 anos”. A oferta inclúe “atraccións de moda e de última xeración”, coma o Maxidance, que se engade a 10 atraccións mecánicas máis.

Calendario, horario e prezos

XuvenLugo, que conta cunha achega conxunta de 15.000 euros da entidade local e provincial, abrirá as súas portas en xornada de tarde, de 16.30 horas a 20.30 horas, nas seguintes datas: do 5 ao 9 de decembro, do 14 ao 16 de decembro; do 21 ao 23 de decembro; do 25 ao 30 de decembro; do 1 ao 4 de xaneiro de 2018; e 6 e 7 de xaneiro de 2018.

A entrada xenérica de XuvenLugo será de 6 euros. Poderase sacar un bono grupal de 50 euros para 10 persoas que terá validez para un só día. Haberá un prezo especial da entrada a 4,5 euros para Concellos, colexios e asociacións, mediante reserva anticipada e para un mínimo de 15 persoas. O prezo para outras actividades dentro do recinto variará segundo os xogos: o acceso á pista de minigolf será de 1,5 euros; ao toro mecánico ou á pista de slot, 2 euros.

Celebraranse dúas xornadas de portas abertas, unha o día 5 de decembro promovida polo Concello, e outra o os 14 de decembro, promovida pola Deputación.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...