InicioSociedadeUn policía local de Lugo fóra de servizo practica un RCP e...

Un policía local de Lugo fóra de servizo practica un RCP e sálvalle a vida

Os sanitarios destacaron que "a rápida intervención" do axente "permitira manter con vida" ao afectado

PUBLICADA O

- Advertisement -

Un policía local de Lugo que se atopaba fóra de servizo practicou unha manobra de reanimación cardiopulmonar (RCP) a un home de 74 anos, que se atopaba tendido en plena rúa, ata que chegaron os profesionais sanitarios do 061.

Segundo relata o Concello, ocorreu o mércores sobre as 8.45 horas da mañá. Cando este axente, fóra do seu horario laboral, transitaba pola confluencia entre as rúas Ourense e Tui, observou un coche sobre a beirarrúa e coa porta do condutor aberta que lle chamou a atención.

Así, achegouse ata o lugar e observou que había un home no chan, tendido de lado, mentres outras dúas persoas –entre elas, a muller que parara o vehículo– estaban ao seu lado, unha delas chamando ao 061.

O policía, ao comprobar que o home apenas presentaba pulso e que non respiraba, iniciou o RCP e mantívoa durante cinco minutos, ata que chegaron os sanitarios e continuaron con estas manobras, aínda que tamén tiveron que empregar un desfibrilador para conseguir estabilizalo. Posteriormente, foi trasladado ao hospital.

O axente estivo en todo momento en comunicación telefónica co 061 e recibindo as instrucións oportunas. Tamén requiriu a presenza de persoal da Policía Local que estivese de servizo.

Dous indicativos da Unidade Territorial de Policía de Barrio foron os encargados de asegurar a zona, cortar o tráfico e identificar o home, que resultou ter 74 anos, e a varias testemuñas. Así, puideron localizar ao fillo do afectado para informarlle do ocorrido.

O persoal sanitario confirmou que se trataba dunha parada cardiorrespiratoria con fibrilación ventricular e que, posiblemente, “a rápida intervención” do axente fóra de servizo “permitira manter con vida ao home afectado”, tal e como destaca o Concello de Lugo.

ÚLTIMAS

Polémica por 300 hectáreas de monte veciñal no paraíso hippie de Negueira de Muñiz

É posible atopar restos de neve nos costados da sinuosa estrada que descende desde...

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...