InicioSociedadeUn deseño do arquitecto lucense Manuel López Guitar, falecido en decembro, ilustrará...

Un deseño do arquitecto lucense Manuel López Guitar, falecido en decembro, ilustrará o cartel do Arde Lucus 2024

"O Arde Lucus era a súa vida. El empezou hai moitísimos anos nas asociacións e á marxe do seu traballo o resto do tempo dedicábao a pensar en iniciativas para o Arde Lucus. Sempre estaba maquinando. Aínda que estaba enfermo, seguía debuxando", confesou, visiblemente emocionada, a súa viúva.

PUBLICADA O

- Advertisement -

A alcaldesa de Lugo, Paula Alvarellos, e o concelleiro de Mocidade e Deportes, Jorge Bustos, presentaron este luns na casa consistorial da cidade o cartel oficial do Arde Lucus 2024, que se celebrará entre os días 13 e 16 de xuño e que contará este ano cun deseño realizado polo arquitecto e urbanista lucense Manuel López Guitar, ‘Guiti’, falecido o pasado mes de decembro. No acto de presentación do cartel oficial, celebrado na sala de novas tecnoloxías do Concello de Lugo e no que participaron tamén a viúva do autor, Ana Cortón, e un dos seus fillos, a rexedora lucense revelou que a selección do deseño foi realizada a proposta de “todas as asociacións” que participan na organización do evento.

“Guiti tiña preparado un deseño para participar este ano no concurso de carteis, pero o seu falecemento impediuno”, explicou Alvarellos, para acto seguido cualificar a elección da súa obra como unha “homenaxe á súa figura” e á contribución realizada “ao longo dos anos” para que o Arde Lucus alcanzase “as cotas de participación e de recoñecemento” que ostenta actualmente. O deseño de Manuel López Guitar, destacou a alcaldesa, “expón unha viaxe no tempo que permite mergullarnos na orixe da cidade” e convida ao visitante, agregou, a “formar parte da homenaxe á historia, a cultura e o patrimonio da urbe” que persegue a celebración.

“O ARDE LUCUS ERA A SÚA VIDA”

A viúva do autor do deseño que ilustrará o cartel da vixésimo terceira edición da festa de recreación romano-castrexa de Lugo, declarada festa de Interese Turístico Internacional, tomou a palabra para agradecer ao Concello a selección da obra e para explicar a importancia que tiña devandito evento para o seu marido, un auténtico “activista” do Arde Lucus.

“O Arde Lucus era a súa vida. El empezou hai moitísimos anos nas asociacións e á marxe do seu traballo o resto do tempo dedicábao a pensar en iniciativas para o Arde Lucus. Sempre estaba maquinando. Aínda que estaba enfermo, seguía debuxando. Fixo este cartel e aínda que non chegou a velo, por desgraza, púxolle moito interese e agarimo. El estaría agora mesmo moi orgulloso de ver o seu cartel”, confesou, visiblemente emocionada, Ana Cortón.

O concelleiro de Mocidade e Deportes, Jorge Bustos, que tamén destacou o “incansable labor” realizado por Manuel López Guitar ao servizo do Arde Lucus, recoñeceu que o Concello se atopa actualmente “traballando coas asociacións para ultimar a programación” da festa. Unha programación da que non transcenderon máis detalles pero que tratará de “recuperar” na presente edición, adiantou o concelleiro, a “animación nas rúas” e o carácter “máis dinámico” que tiña antes da pandemia.

ÚLTIMAS

O PP oponse a rexeitar o proxecto de Altri, como pide o BNG

O Partido Popular opúxose este martes a rexeitar o proxecto de planta de celulosa de Altri...

O Goberno bota balóns fóra: asegura que “as posibles afeccións” do proxecto de Altri deben ser avaliadas pola Xunta

O Goberno central subliña que corresponde á Xunta realizar "calquera avaliación que resulte necesaria" e analizar "as posibles...

O goberno de Lugo valida a executar dúas sentenzas sobre as xefaturas de Persoal e Arquitectura

A xunta de goberno local do Concello de Lugo dará luz verde este mércores...

A Raíña Sofía visita o Banco de Alimentos, un “soño cumprido” para a entidade

A Raíña Sofía visitou este luns o Banco de Alimentos de Lugo, onde se...