Os veciños dun edificio situado na rúa Sanxillao de Lugo tiveron que ser desaloxados durante a madrugada deste xoves despois de rexistrarse un incendio nunha das vivendas do inmoble.

Tal como informou a Policía Local, o lume orixinouse nun enchufe dun electrodoméstico que se atopaba na terrada do piso, polo que tivo que ser sufocado por unha dotación de bombeiros.

Desta maneira, foi necesario o desaloxo de todo o edificio ata que se comprobou que as concentracións de gases non eran tóxicas, regresando os veciños aos seus domicilios, excepto os da vivenda afectada, que pasaron a noite cuns familiares.