InicioCulturaConsulta xa os horarios dos concertos da Candeloria

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións de grupos de rock, rap ou ska entre o 1 e o 2 de marzo no Pazo de Feiras e Congresos.

PUBLICADA O

- Advertisement -

O festival lucense A Candeloria anunciou os horarios dos seus concertos, con máis dunha ducia de actuacións de grupos de rock, rap ou ska entre o 1 e o 2 de marzo no Pazo de Feiras e Congresos.

Nacido en 2014 coa vontade de traer a Lugo unha programación musical de rock, rap, punk ou ska “de primeiro nivel”, durante estes anos “consolidouse como un evento de referencia para os amantes do xénero”. Esta edición, coas entradas case esgotadas, trae dúas noites de música e unha sesión vermú de Cantos de Taberna.

Tal e como apuntan nun comunicado, un dos “pratos fortes” da edición será a despedida do grupo valenciano ZOO, que tocará o 1 de marzo ás 22:55 horas, sendo esta a súa única actuación en Galicia. Non será a única despedida, o grupo Os Chikos do Millo anunciaron recentemente unha “tregua indefinida” desde o próximo ano e pasará polo palco o sábado ás 23,30 horas.

Completan o cartel do venres 1 de marzo, Rebeliom do Inframundo, a galegos Familia Caamagno, Pigs Parlament, o grupo de rap Ira, Kamikazes e Jordi Pánico, que será o dj entre actuación e actuación. O sábado 2 de marzo pasarán polo palco, xunto a Chikos del Maíz, Mafalda, Soziedad Alcoholika, a banda de ska punk italiana Talco, o dúo feminino Tribade e Arrhythmia. Tamén estarán Me Fritos and The Gimme Cheetos, mentres que A Duendeneta animará entre actuacións.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...