A Xunta de Persoal dos Servizos Periféricos da Administración do Estado en Lugo remitiu un escrito á subdelegada do Goberno na provincia alertando da afectación que está teniedo a folga da limpeza nos seus centros de traballo, e pediu a intervención da Administración para facer cumprir á concesionaria do servizo.
No seu comunicado, a Xunta de Persoal sinala que este conflito derivou nun problema de hixiene “que están a sufrir os empregados e empregadas públicas, e os administrados que acoden ás dependencias”.
Así mesmo, sinalan que unha das demandas do colectivo en folga é o incremento salarial, porque a maioría de soldos están por baixo do SMI.
Respecto diso, e tendo en conta que a subida do SMI foi acordada polo Goberno central, debe ser a administración contratante a que “deberá esixir que as empresas contratadas cumpran co seu labor”, e pediu que “poña do seu parte para poder solucionar un conflito que se está alongando no tempo”.
