O presidente do Goberno e secretario xeral do PSOE, Pedro Sánchez, estará este sábado en Lugo para participar nun mitin no que arroupará ao candidato socialista á Presidencia da Xunta, José Ramón Gómez Besteiro.
Así o anunciou este mércores o número dous da candidatura por Lugo, Lara Méndez, antes dunha visita a Novafriga. Desde alí, avanzou que o acto do sábado, que se celebrará ás 11,00 na Facultade de Veterinaria, será para pór en valor “as propostas” de Besteiro “para a transformación de Galicia”.
Segundo Méndez, as eleccións autonómicas do 18 de febreiro son unha “oportunidade” para sacar a Galicia “da inacción” que vive co PP desde 2009 e para que á fronte da Xunta haxa un “partido galeguista útil” que “entende Galicia, con capacidade para dar solucións aos principais problemas” da Comunidade.
Será a terceira vez que Pedro Sánchez estea en Galicia en só unha semana, despois de que o domingo clausurase a Convención do PSOE na Coruña e de que leste mesmo mércores visite, como presidente do Goberno, no estaleiro de Navantia en Ferrol.
