InicioLugo e contornaLugoRecord nas rutas fluviais pola Ribeira Sacra da Deputación de Lugo

Record nas rutas fluviais pola Ribeira Sacra da Deputación de Lugo

Máis de 60.400 persoas a bordo dos catamaráns polos Canóns do Sil e o río Miño.

PUBLICADA O

- Advertisement -

Máis de 60.400 persoas percorreron a Ribeira Sacra este 2023, desde o mes de marzo ata este fin de semana, a bordo dos catamaráns que xestiona a Deputación de Lugo polos Canóns do Sil e o río Miño. “Un dato que evidencia que este atractivo turístico provincial supérase ano tras ano, batendo os seus propios records”, destacan nun comunicado.

A deputada de Réxime Interior, Promoción do Territorio e Turismo, Pilar García Porto, informou este luns das cifras, “que confirman un novo éxito do servizo provincial”. “Estamos a falar de máis de 10.000 persoas con respecto á tempada anterior, o que nos di que as políticas turísticas que temos en marcha son as que funcionan”, afirmou.

Ademais, apuntou a deputada, estes datos lógranse “sendo respectuosos co medio”, declarado Reserva da Biosfera pola Unesco. “Algo que nos fai estar máis contentos aínda, porque se demostra que apostar por un turismo de calidade, proximidade, non masificado e ao longo de todo o ano é o camiño”, defendeu.

“As rutas fluviais que ofrece a institución provincial están a ser ano tras ano un motor moi importante de atracción turística para a provincia de Lugo, especialmente para a Ribeira Sacra, en tanto que xeran un efecto multiplicador en termos de pasas a noite e de consumo, contribuíndo así de maneira directa á dinamización económica, da hostalaría, do turismo e do comercio da comarca”, sinalou.

En concreto, na ruta do Canón do Sil, que parte do embarcadoiro de Ponche do Sil, en Monforte de Lemos, rexistrouse un total de 46.147 persoas, e na de Cabo do Mundo, con saída de Santo Estevo en Belesar, foron 14.266 viaxeiros. Durante esta ponte, foron máis de 1.000 persoas as que realizaron algún destes dous itineraios, en concreto 1.071 viaxeiros. uns datos contabilizados desde o sábado 2 de decembro ata o domingo 10. A ruta que parte de Ponche do Sil foi elixida por 858 persoas e, pola súa banda, a de Belesar escollérona 213 persoas.

En canto ao perfil dos usuarios do servizo provincial, explican que predominou a asistencia en parellas e pequenos grupos de familias ou amigos, así como viaxeiros galegos e doutras comunidades autónomas. Por idade, destacan os maiores de 55 anos, que son maioría nos datos que recolle a Deputación aos participantes. En canto ás provincias, a maior parte dos viaxeiros proceden da provincia de Lugo, Pontevedra, Madrid, A Coruña, Barcelona e Asturias, o que reflicte unha predominancia do turismo de proximidade, apuntan.

ÚLTIMAS

Interceptado en Lugo un condutor ebrio e drogado que carecía de permiso para conducir

Un condutor foi interceptado cando circulaba sen permiso de condución baixo os efectos do...

Becerreá rexistrou este sábado un terremoto de 2,5 graos de magnitude

O municipio lucense de Becerreá rexistrou este sábado un terremoto de 2,5 graos de...

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...