A Policía Local de Lugo instruíu dilixencias de denuncia con respecto ao responsable dun establecemento do centro histórico da cidade tras constatar que vendera bebidas alcohólicas a menores.

Segundo informaron fontes policiais, o pasado fin de semana unha patrulla do 092 comprobou que catro mozas, aparentemente menores de idade, pedían bebidas alcohólicas nun local, onde se lles serviron sen pedirlles a documentación. Os axentes comprobaron que as idades das mozas estaban entre os 15 e os 16 anos, e que pediran consumicións “cun alto contido en alcol”.

Por iso, identificouse o propietario do establecemento e abriuse expediente sancionador por infracción da normativa que prohibe a venda de bebidas alcohólicas a menores. Así mesmo, a Policía Local de Lugo informou do levantamento de acta de denuncia con respecto a outro local, na Avenida dás Américas, por exceder o límite horario permitido. Por outra banda, durante o fin de semana tramitáronse varias denuncias por delitos e infraccións contra a seguridade viaria. Así, foron denunciados media ducia de condutores que superaron a taxa máxima de alcoholemia permitida.