Un desprendemento de terra e roca na A-6, á altura de Becerreá, sentido A Coruña, obrigou a cortar a vía. Aínda que non houbo que lamentar danos persoais, un furgón foi arrastrado polo noiro.
A Garda Civil de Tráfico, segundo informaron a Europa Press as fontes consultadas, habilitaron un desvío pola N-6 mentres que se realizan os traballos de retirada dos restos da vía.
Así, ademais de efectivos de Tráfico, tamén se desprazaron ata o punto dos feitos, ocorridos sobre as 17,50 horas no quilómetro 450, persoal de mantemento da vía para actuar ante o noiro pola marxe dereita.
