InicioSociedadeLugo, "por encima" da media nacional do 45% de accidentes de tráfico...

Lugo, “por encima” da media nacional do 45% de accidentes de tráfico mortais por distraccións

PUBLICADA O

- Advertisement -

A Dirección Xeral de Tráfico (DGT) presentou este luns en Lugo unha campaña para concienciar aos condutores da importancia de evitar distraccións ao volante, responsables en 2022 e en todo o que vai de ano “do 45% dos sinistros mortais e un pouquiño máis da terceira parte do total de sinistros con vítimas”.

Así o explicou o xefe provincial de Tráfico, Ángel Álvarez, nun acto de presentación que contou coa participación da subdelegada do Goberno en Lugo, Isabel Rodríguez. “A provincia de Lugo está a situarse por encima deses datos nacionais”, alertou Álvarez, antes de precisar que as distraccións na estrada son “un factor evitable”.

“Segundo unhas enquisas realizadas a nivel nacional, o 73% dos condutores recoñece que se distrae moi frecuentemente ao volante e un 23% que le mentres vai conducindo mensaxes de texto no móbil”, destacou Isabel Rodríguez, en relación á campaña ‘Ao volante, cero distraccións’ e en declaracións a Europa Press.

A subdelegada do Goberno en Lugo aproveitou tamén o lanzamento da campaña, que estará en vigor ata o 15 de outubro, para chamar a atención sobre a importancia de “concienciar a todas as persoas usuarias das vías, tanto condutores como peóns, para que eviten as distraccións e as condutas de risco ao volante”.

ÚLTIMAS

A alcaldesa de Lugo avoga por que a esquerda “axunte esforzos” na súa provincia para evitar “voto inútil”

A alcaldesa de Lugo, Lara Méndez, considera que a esquerda "debe axuntar esforzos", tamén na...

A provincia de Lugo desprega 112 operarios e 64 máquinas para garantir a seguridade viaria este inverno

O presidente da Deputación de Lugo, José Tomé Roca, presentou o plan de viabilidade invernal para...

Convocan as primeiras xornadas de Saúde Mental en Lugo, a provincia co maior número de suicidios en España

A asociación de voluntariado autonómica Stop Suicidio Lugo anunciou este venres a celebración das...

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...