InicioSucesosA Policía Local de Lugo denuncia ao propietario de dous cabalos que...

A Policía Local de Lugo denuncia ao propietario de dous cabalos que estaban soltos na vía pública

Axentes da Policía Local de Lugo tamén tiveron que atender a un mozo de 18 anos inconsciente na Rúa Bispo Aguirre tras inxerir grandes cantidades de alcol.

PUBLICADA O

- Advertisement -

Axentes da Policía Local de Lugo denunciaron e propuxeron para sanción ao propietario de dous cabalos que estaban soltos na vía pública. Segundo informou, os feitos se produciron sobre as 17.00 horas deste xoves, cando un indicativo da Unidade Territorial de Policía de Barrio trasladouse á Avenida Infanta Elena, pola existencia de cabalos soltos no lugar.

Os axentes observaron que había dous animais, completamente soltos, pastando a un dos lados da vía e invadindo a calzada de forma intermitente. Os policías comprobaron que ambos os cabalos carecían do chip identificativo preceptivo e lograron localizar a quen dixo ser propietario dos animais, aínda que a Policía precisa que carecía de documentación dos mesmos. Nesta conxuntura, confeccionáronse as correspondentes propostas de sanción pola falta de documentación e de identificación dos animais; así como por non adoptar as precaucións necesarias para que os mesmos non poidan invadir a vía pública.

AUXILIO A UN MOZO QUE INXERIRA MOITO ALCOL

A policía tamén informou de varios operativos activados por molestias por ruídos, control de establecementos e de auxilio a cidadáns. Unha desas atencións produciuse este mesmo venres sobre as 2.00 horas, cando axentes do Grupo Operativo Nocturno, que realizaban patrulla preventiva polo centro da cidade, foron informados por varios viandantes sobre un mozo inconsciente na Rúa Bispo Aguirre, onde se trasladaron, comprobando que se trataba dun mozo de 18 anos. Segundo relatou a Policía Local, os acompañantes do mozo tentábano reanimar xa que, segundo explicaron, inxerira “gran cantidade de alcol en pouco tempo”. Así, pediuse a presenza dunha ambulancia do 061, que procedeu ao seu traslado ao HULA.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...