InicioSucesosDetido un home tras agredir á súa parella nun escampado en Lugo

Detido un home tras agredir á súa parella nun escampado en Lugo

PUBLICADA O

- Advertisement -

Axentes da Policía Local de Lugo detivo a un home de 50 anos de idade por violencia de xénero despois de agredir presuntamente á súa parella nun escampado da cidade. Segundo informa o corpo policial, o pasado día 22 de xullo pola tarde unha patrulla da Unidade Territorial de Policía de Barrio da Policía Local foi enviada á Avenida de Paulo Fabio Máximo, á altura dun escampado, porque un home estaba a agredir a unha muller.

Os axentes desprazados ao lugar foron recibidos por catro persoas xunto unha muller tirada no chan. Segundo estas mesmas fontes, o grupo de individuos relatou que “momentos antes” un home agredira á vítima ausentándose do lugar. Os policías alcanzaron ao presunto agresor “a uns cen metros do lugar dos feitos”, presentando “signos de embriaguez” e manifestando que a muller que estaba no chan “era o seu parella pero que non pasara nada”.

A muller, engade a Policía Local, tamén con signos de embriaguez, “ratifica esa mesma afirmación, descartando a posibilidade de denunciar”. Debido a estas manifestacións, os axentes mobilizados entrevistaron as testemuñas, quen explicaron que “o home agarrou con forza á muller polo brazo, tirándoa en dúas ocasións con violencia ao chan”. Así mesmo, os policías observan que a vítima presenta “arañazos nun brazo e unha perna” á vez que “se nega a ser asistida por un facultativo”.

Por todo iso, proceden á detención do home, de 50 anos e veciño de Lugo, por un presunto delito de violencia de xénero, sendo trasladado a dependencias policiais onde se instrúen dilixencias para a súa remisión ao xulgado correspondente.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...