O condutor dun vehículo mixto, unha especie de furgoneta pequena, resultou ferido ao saírse da vía en Friol.
Segundo confirmaron fontes da Garda Civil de Lugo, o sinistro produciuse ás 11,00 horas, á altura do quilómetro 52,600 da estrada LU-P-1611, en Gomeán, no termo municipal de Friol. O vehículo saíuse da vía pola marxe esquerda e chocou contra un taluz terrizo, o que provocou que o condutor, e único ocupante, resultase ferido.
