InicioMovementos sociaisUnha asamblea trata este martes da situación "inestable" da Escola Municipal de...

Unha asamblea trata este martes da situación “inestable” da Escola Municipal de Música

Usuarios, profesores e interesados pola Escola Municipal de Música de Lugo están convocados ás 19.00 horas no centro social Uxío Novoneyra

PUBLICADA O

- Advertisement -

A Asociación de Persoas Usuarias da Escola Municipal de Música (AUESMU) convoca a persoas usuarias, profesorado, grupos políticos e demais persoas interesadas a participar nunha asamblea aberta este martes 6 de novembro. O motivo da cita é a situación “inestable” do servizo público como consecuencia das últimas decisións xudiciais.

A xuntanza pretende dar información á comunidade educativa acerca de cal pode ser a deriva da Escola. “É necesario que o goberno municipal, a dirección e todas as persoas formamos parte da Escola Municipal de Música unamos esforzos de cara a preservar este centro formativo e o seu funcionamento exemplar”.

Será ás 19.00 horas, no salón de actos do centro social Uxío Novoneyra. Dende AUESMU explican que están “dispostos a traballar” por manter o actual modelo público da Escola Municipal de Música. A Asociación indica que é “preocupante” que a seguridade laboral do persoal docente estea en perigo pola xestión indebida do Concello das “cuestións administrativas e laborais pendentes de resolver”.

“Funcionamento exemplar” e “implicación”

Esta desatención, sinalan, contrasta co “funcionamento exemplar” da institución de ensino e a “implicación” do profesorado. Argumentan os usuarios que “non é admisible” que continúen os problemas administrativos despois de seis anos en funcionamento, problemas que “agora, por resolución xudicial, poñen en serio perigo o futuro da Escola Municipal de Música de Lugo”. Achacan esta inquedanza á “deixadez do equipo de goberno”.

Así, lembran en AUESMU que solicitaran en febreiro unha entrevista coa alcaldesa Lara Méndez, logo de trascender a desestimación do recurso presentado polo Concello de Lugo relativo á invalidación da Relación de Postos de Traballo. A modificación plantexada polo executivo local, e tombada pola xustiza, pretendía que membros da Banda Municipal puidesen impartir clases na Escola. 

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...