A Garda Civil investiga a un total de tres condutores da provincia de Lugo, dúas deles por arroxar un resultado positivo nas probas de alcol ás que foron sometidos e un terceiro que conducía un ciclomotor sen carné.
Tal como informou a Benemérita nun comunicado, este último caso sucedeu o pasado domingo en Meira, cando un mozo, de 29 anos e veciño da devandita localidade, foi interceptado circulando sen carné.
Días antes, en concreto o venres 26 de maio sobre as 22,45 horas, os axentes tiveron constancia dun sinistro viario ocorrido en Escairón, no termo municipal de Saviñao, consistente nunha saída de vía e posterior colisión contra un farol. O condutor resultou ser veciño de Arteixo (A Coruña) de 52 anos de idade, que arroxou unha taxa positiva no control de alcoholemia que triplicaba a máxima permitida.
Na madrugada do sábado para o domingo, outro home tivo un accidente en Rábade, sendo o condutor veciño de Cospeito de 37 anos de idade. Tras saírse da vía e impactar contra unha vivenda, deu positivo en alcol e drogas.
“En todos estes casos os supostos autores dos feitos resultaron investigados como supostos autores dun delito contra a seguridade viaria, debendo comparecer en distintas sedes xudiciais desta provincia onde se celebrarán os correspondentes xuízos”, indicou a Garda Civil.
