InicioSucesosDesarticulan unha rede de tráfico de drogas por introducir na provincia 50...

Desarticulan unha rede de tráfico de drogas por introducir na provincia 50 quilos de cocaína desde 2020

Con esta operación, a Garda Civil considera que se desarticulou o punto de entrada de cocaína máis importante de Lugo, do cal se alimentaban os principais distribuidores polo miúdo lucenses.

PUBLICADA O

- Advertisement -

A Garda Civil desarticulou unha rede criminal especializada no tráfico de cocaína e haxix nas provincias de Lugo e A Coruña, un operativo que se saldou con 11 detidos e importantes cantidades de droga incautada.

A investigación, dirixida polo Xulgado de Instrución Nº1 da cidade, iniciouse o pasado ano no termo municipal de Lugo, tras detectarse unha leira á que acudían asiduamente persoas vinculadas ao tráfico de drogas.

Este terreo, destacou a Garda Civil, era utilizado por un empresario da construción como lugar de reunión e entrega de sustancias estupefacientes a outros intermediarios, para a súa posterior venda polo miúdo en diferentes localidades da provincia de Lugo.

No desenvolvemento da operación púidose identificar as persoas que acudían a adquirir “considerables cantidades de droga” e, á súa vez, identificar a liña de abastecemento do empresario lucense, radicada na provincia da Coruña.

A operación policial, desenvolvida en distintas provincias galegas, saldouse con 11 detencións e rexistros domiciliarios no termo municipal de Lugo e en Oleiros.

Por mor destas actuacións interviñéronse dun total de 2,5 quilos de cocaína, 1 quilo de anfetamina, 30 quilos de resina de haxix, 2 quilos de marihuana, 36 gramos de cocaína rosa e 10 gramos de ketamina, así como 93.000 euros, un arma de fogo, munición, vehículos de alta gama e documentación relacionada coa contabilidade da venda de sustancias estupefacientes.

Da análise da documentación intervida ao empresario lucense púidose determinar que no últimos tres anos a organización introduciu na provincia de Lugo unha cantidade próxima aos 50 quilos de cocaína.

Con esta operación, a Garda Civil considera que se desarticulou o punto de entrada de cocaína máis importante de Lugo, do cal se alimentaban os principais distribuidores polo miúdo lucenses. Ademais, en referencia ás persoas que aprovisionaban ao empresario lucense de cocaína, a investigación tamén puido determinar que eran o punto de venda de haxix máis activo da cidade herculina.

Tras a posta a disposición xudicial dos detidos, decretouse o ingreso en prisión do empresario lucense, así como de dous dos seus provedores de Oleiros.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...