Un condutor resultou ferido tras saírse da vía o coche no que circulaba polo municipio de Carballedo, en Lugo, segundo informaron fontes do CIAE 112 Galicia. O accidente tivo lugar sobre as 11,45 horas deste xoves, cando o persoal sanitario que acudiu ao lugar deu avisou ao 112 e informou da saída do helicóptero medicalizado con base en Ourense para evacuar a un condutor ferido.

Polo de agora descoñécense os motivos da saída de vía, aínda que puido deberse a unha indisposición deste condutor. Ademais de efectivos do 061, tamén acudiron ao lugar axentes da Garda Civil de Tráfico, da Agrupación de Voluntarios de Protección Civil de Carballedo e deuse aviso igualmente aos bombeiros de Chantada. O condutor foi evacuado ao centro hospitalario de referencia.