Axentes da Policía Nacional adscritos á Comisaría Provincial de Lugo detiveron nas últimas horas a dous homes novos como presuntos autores de senllos delitos de roubo con intimidación.
Segundo informaron fontes policiais, o primeiro dos casos foi o dun home ao que atribúen o roubo de 60 euros nun hostal da cidade, mediante intimidación. O sospeitoso foi identificado e detido pola Policía Nacional.
Por outra banda, os axentes tamén identificaron e detiveron a outro mozo que, despois de entrar nun local de lecer da cidade, esixiu baixo ameazas ao dono do local e aos empregados que lle entregasen a recadación da caixa.
O responsable do establecemento saíu á rúa en busca de axuda e foi atendido por un vehículo de radiopatrulla que, nese momento, circulaba pola zona centro realizando labores de prevención.
Os axentes accederon ao local e alí sorprenderon ao ladrón, que tentou evitar a súa detención forcexeando cos policías, que resultaron feridos. Finalmente, foi inmobilizado e trasladando a dependencias policiais.
