Un total de 138 condutores foron denunciados en Lugo, co control de 6.410 coches, na campaña da Policía Local realizada en cooperación coa Dirección Xeral de Tráfico (DGT) para o control de velocidade. Foi nunha campaña que levou a cabo entre o 12 e o 20 de abril.

Ademais na tarde do luns, día 24, unha patrulla da Unidade Territorial de Policía de Barrio da Policía Local de Lugo deu o alto nun control a un vehículo na rúa Serra de Outes, observando que o seu condutor non facía uso do cinto de seguridade.

Tamén observaron que o condutor estaba moi nervioso e acharon, nun rexistro, un bastón que presentaba na punta un reforzo de ferro, sen que puidese xustificar o seu uso polo que foi intervido e levantouse acta de denuncia por prohibir a Lei de Seguridade Cidadá a tenencia deste obxecto.