Por outra banda, na madrugada deste xoves rexistrouse un accidente cunha persoa ferida na parroquia de Carballido, en Lugo. Tratouse dunha saída de vía ocorrida na LU-530 e o aviso á central telefónica do 112 saltou grazas ao sistema de emerxencia do propio vehículo que, ao detectar o impacto e non lograr comunicación precisa co condutor, contactou cos servizos de Emerxencias.
O CIAE mobilizou a efectivos de Urxencias Sanitarias 061, a axentes da Garda Civil de Tráfico e ao servizo de mantemento da vía. Foron estes últimos traballadores os que viron o condutor, desorientado, preto do lugar do sinistro.
O home, F.V.S., de 60 anos de idade, foi atendido no lugar por profesionais sanitarios e posteriormente trasladado ao Hospital Lucus Augusti en ambulancia de soporte vital básico. No operativo tamén participaron os Bombeiros de Lugo e a Policía Local da cidade.
