A Policía Local de Lugo detivo a un home como presunto autor dun delito de violencia de xénero tras propinar supostamente un empuxón á súa ex parella durante unha discusión.

Os feitos ocorreron á primeira hora da mañá do domingo, cando a Policía de Barrio, comisionada pola sala do 092, acudiu a un domicilio do centro histórico, alertada porque se estaba producindo unha discusión de parella.

Ao chegar, os axentes atopáronse cos implicados na rúa, un home e unha muller que estaban a discutir. A muller explicou aos axentes que tivera unha rifa coa súa exparella e que este lle deu un empuxón, aínda que non tiña lesións, mentres que o home relatou que ela lle cuspiu. Os axentes detiveron ao home como presunto autor dun delito de violencia de xénero.