InicioSociedadeConclúe a reforma integral das Urxencias do HULA, que recuperan a zona...

Conclúe a reforma integral das Urxencias do HULA, que recuperan a zona pediátrica de antes da pandemia

A xerente do Sergas destaca esta obra que supuxo 100.000 euros de investimento para actuar en máis de 700 m2

PUBLICADA O

- Advertisement -

A área de Urxencias do Hospital Universitario Lucus Augusti (HULA) de Lugo concluíu a súa remodelación. A obra, que supuxo un investimento de case 100.000 euros por parte da Xunta, permitiu recuperar a zona pediátrica onde estaba antes da pandemia da covid-19.

A xerente do Servizo Galego de Saúde (Sergas), Estrella López-Pardo, visitou este martes as instalacións en compañía do delegado territorial do Goberno galego, Javier Arias, e do xerente da área Sanitaria de Lugo, Ramón Ares.

Tal e como explicou López Pardo, as Urxencias do HULA contaban cun ‘hall’ e unha sala de espera moi ampla, pero con baixo uso. Por iso, as obras consistiron en redistribuír os circuítos para transformar parte do espazo en circuíto respiratorio. Así, todas as urxencias vólvense a atopar na mesma zona con admisión única e cun circuíto separado para pacientes con patoloxías respiratorias.

Nunha primeira fase, adecuouse a zona da sala de espera, ampliáronse os espazos para os postos de triaxe e instalouse un novo climatizador. Na segunda, creouse o circuíto respiratorio cun box de críticos, cinco de observación, oito boxes-padiola e oito postos de cadeira de brazos, á vez que se humanizaron os espazos.

Na última fase, reformouse completamente a parte de Pediatría –que volve á localización previa á pandemia– cun novo acceso independente, unha nova sala de espera con área de lactación, un novo posto de triaxe, mellora da iluminación e das instalacións de climatización, así como a humanización da área para os nenos.

A xerente do Sergas destacou que foi unha actuación “exemplar”, executada no seu maior parte polos propios servizos do hospital, nun tempo marca e sobre unha superficie de máis de 700 metros cadrados. Ademais, “en todo momento” respectou a actividade asistencial.

En paralelo, López-Pardo sacou peito de actuacións realizadas nos últimos tempos no HULA, como a incorporación o ano pasado de sete novos equipos innovadores por case oito millóns de euros –entre eles, tres TAC, unha gammacámara e un equipo de braquiterapia– e obras de ampliación.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...