A Garda Civil imputou en calidade de investigado a un veciño de Begonte, mozo de 24 anos de idade, como suposto autor dun delito continuado de roubo con forza.
En concreto, segundo informa o Instituto Armado, os feitos ocorreron en febreiro no lugar de Vilaronte, en Foz, onde este home supostamente realizou dous roubos nos que subtraeu varias pezas de aceiro inoxidable. As dilixencias policiais foron remitidas á autoridade xudicial correspondente.
FALSIDADE DOCUMENTAL
Ademais, a Garda Civil investiga a outro mozo, veciño de Castro de Rei de 29 anos, por falsidade documental no adhesivo da inspección técnica (ITV) dun coche.
Foi no marco dun control rutineiro cando se comprobou na base de datos que un turismo non pasara este control. No entanto, visualmente, o vehículo tiña un adhesivo falsificado en vigor ata maio deste ano.
Por isto mesmo, a Benemérita tamén remitiu as correspondentes dilixencias á autoridade xudicial.
