Pillan en Becerreá un condutor de ambulancia que cuadriplica a taxa de alcol

O vehículo médico non transportaba a ningún paciente, só viaxaba outra persoa que non tiña carné

Probas de alcol en sangue realizado cun alcolímetro / Garda Civil

Axentes da Garda Civil de Tráfico interceptaron ao condutor dunha ambulancia que cuadriplicaba a taxa de alcolemia permitida cando circulaba pola A-6 ao seu paso polo termo municipal de Becerreá.

O condutor arroxou este resultado na proba de alcolemia practicada polos axentes que formaban parte dun control de seguridade instalado no municipio lugués durante a tarde do pasado luns.

O home que manexaba a ambulancia, na que non transportaba a ningún paciente no mometo dos feitos, deu positivo no control cunha taxa catro veces superior á permitida, segundo trasladou a Garda Civil de Lugo.

No vehículo médico tamén viaxaba outra persoa que non puido facerse cargo da ambulancia debido a que carecía de carné de conducir.