InicioSociedadePropietarios de vivendas afectadas polos incendios de xullo en Lugo reciben as...

Propietarios de vivendas afectadas polos incendios de xullo en Lugo reciben as axudas de reconstrución da Xunta

O Goberno galego sufraga o 100% do valor de reposición en caso de ruína da residencia habitual

PUBLICADA O

- Advertisement -

A conselleira de Medio Ambiente, Territorio e Vivenda, Anxos Vázquez, sinalou este venres que a Xunta “xa abonou” as axudas concedidas para reconstruír as vivendas afectadas polos incendios rexistrados na provincia de Lugo o pasado mes de xullo.

Segundo trasladou a Xunta nun comunicado, Vázquez explicou que “se concederon 19 axudas, todas as solicitadas, o que supuxo un financiamento de máis de 1 millón de euros”. Así, detallou que se tramitaron e pagaron 17 subvencións no municipio de Folgoso do Courel e dous no de Pobra de Brollón.

Deste xeito, lembrou que o Goberno galego sufraga o 100% do valor de reposición en caso de ruína da residencia habitual e de instalacións complementarias, e tamén ata ese máximo para cubrir os gastos de ser posible a reparación ou rehabilitación, sen que o importe poida superar os 122.400 euros.

Nesta liña, para as residencias non habituais, a axuda pode alcanzar os 61.200 euros, tanto no caso de determinarse a ruína como no de rehabilitación ou reparación.

Así mesmo, Vázquez resaltou que en total se destinaron 6,6 millóns de euros a paliar os danos ocasionados polos incendios que no verán de 2022 afectaron as comarcas do Courel e Valdeorras.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...