InicioSociedadeA comunidade colombiana segue consternada: "Case ninguén coñecía ao autor confeso do...

A comunidade colombiana segue consternada: “Case ninguén coñecía ao autor confeso do crime”

Tras manifestarse no centro de Lugo lembran que foi a irmá do detido a que informou do seu paradoiro.

PUBLICADA O

- Advertisement -

A comunidade colombiana en Lugo segue consternada polo crime de Cristina Cabo, que levou este domingo a concentrarse a máis de medio centenar de persoas, na Praza Maior e fronte ao Concello da cidade amurallada, posto que o autor confeso é desta nacionalidade.

O domingo 27 de novembro, a policía atopou o cadáver de Cristina Cabo no seu domicilio da rúa Quiroga, con signos de ser golpeada e de recibir múltiples coiteladas. Polo crime foi detido José V.S., de nacionalidade colombiana e 32 anos, a quen a autoridade xudicial enviou o pasado xoves a prisión. En principio atribúeselle un suposto delito de homicidio, sen prexuízo do que depare a instrución, xa que a tipificación podería variar.

Segundo a versión dada polo suposto homicida na comisaría –posteriormente ratificada no xulgado–, o detonante dos feitos foi que pediu diñeiro á vítima e ela negouse a darllo.

Ambos coñecéronse esa mesma madrugada nun local de lecer nocturno. Foron á casa da muller e alí produciuse o crime. O domingo pola noite a irmá da vítima achou o cadáver no dormitorio da súa vivenda onde foi porque os familiares levaban horas sen ter noticias da muller.

“HORRIBLE”

A presidenta da Asociación Provincial de Colombianos en Lugo, Sandra Patricia, confesou que “como sociedade é horrible” ter que asumir un crime como o de Cristina Cabo. Sandra Patricia sinalou que nin ela nin as máis de 400 persoas que conforman a comunidade que ela preside coñecían persoalmente ao detido polo crime. “Case ninguén o coñecía”, asegurou.

De feito, afirmou que este home, que residía cunha irmá en Lugo, “atopábase de paso” en España. A irmá foi a que o delatou ante a Policía Nacional. A presidenta da asociación incidiu en que “como sociedade isto é moi horrible, que pasen cousas así, este tipo de violencia e calquera outro tipo de violencia”. “Isto foi unha cousa moi atroz e todos sentimos moi tristes”, dixo.

Os colombianos non somos así, aquí hai moita xente traballadora, que estuda“, aseverou a representante colombiana, quen dixo que isto é algo que “por desgraza, ocorre en moitos sitios e, entre todos, hai que loitar”. “Hai que estar en contra de todo isto, é unha secuela social”, sentenciou a activista colombiana.

ÚLTIMAS

O SLG alerta das xubilacións masivas en granxas e pide axudas para novas incorporacións e plans de mellora

Responsables do Sindicato Labrego Galego concentráronse este mércores en Lugo, diante do edificio da...

Traballadoras de residencias privadas mobilízanse en Lugo en demanda dun convenio digno

O persoal das residencias privadas de Galicia continúa coas súas mobilizacións en demanda dun...

O Concello de Lugo concede máis de 250 licenzas de obra en 2024 por máis de 100 millóns de euros

O Concello de Lugo tramitou en 2024 un total de 256 licenzas de obra,...

Investigan un veciño de Cervantes por vender sen autorización madeira dun monte comunal

Un veciño do municipio lugués de Cervantes figura como investigado pola Garda Civil por...