Funcionarios da Policía Nacional de Lugo detiveron a un home de 32 anos, con varios antecedentes acusado dun delito de roubo con violencia e outro de lesións graves.
Os feitos que ocorreron na madrugada do domingo, cando unhas transeúntes se dirixían ao seu domicilio na Avenida de Coruña, “foron asaltadas de forma sorpresiva e por detrás, para levar o patín eléctrico dunha delas”, segundo o relato policial.
Desta maneira, saíron detrás do autor, “ao que chegaron a agarrar pola mochila que portaba“, pero deuse á fuga. Daquela outra muller tentou detelo, pero foi empuxada contra os vehículos, o que lle provocou lesións de carácter leve, motivo polo que tamén se lle imputan estes feitos ao agora detido.
Ante as solicitudes de axuda por parte da vítima, que á vez deu aviso á Policía Nacional, a través da sala do 091, un home saíu á carreira tras o ladrón e chegou a interceptalo.
No momento, se personaron as dotacións policiais, que tiveron que intervir para separar ao autor do roubo do seu perseguidor. Unha vez feito, foi detido polo roubo e as lesións e foi trasladado a dependencias policiais, remitidas este martes xunto co detido ao Xulgado de Garda.
